வடக்கு மார்க்கத்திலான தொடருந்து சேவை: நாளை மறுதினம் வழமைக்கு திரும்புகிறது

வடக்கு மார்க்கத்திலான தொடருந்து சேவை, நாளை மறுதினம் (திங்கட்கிழமை) முதல் வழமைக்குத் திரும்பவுள்ளதாக தொடருந்து திணைக்களம் தெரிவித்துள்ளது.

கொழும்பு கோட்டைக்கும் காங்கேசன்துறைக்கும் இடையிலான யாழ்தேவி தொடருந்து சேவை எதிர்வரும் திங்கட்கிழமை முதல் ஆரம்பிக்கப்படுகிறது.

அனுராதபுரத்துக்கும் பெலியத்தவுக்கும் இடையிலான ரஜரட்ட ரெஜின தொடருந்து சேவையும், அதே நாளில் ஆரம்பிக்கப்படும் என தொடருந்து திணைக்களம் குறிப்பிட்டுள்ளது.

இந்த மாற்றங்கள் மூலம் பயணிகள் தங்கள் செல்லும் இடங்களுக்கு எளிதாக அடைய வாய்ப்பு பெறுவார்கள் என்று எதிர்பார்க்கப்படுகிறது.